Reply to comment

ആവണി പുലരിതൻ കൂളിരുമായ് വന്നെത്തും
തിരുവോണ നാളിൻ ചാരുതയിൽ
പുത്തൻ പുടവ ചുറ്റും മലനാടിൻ മടിത്തട്ടിൽ
മാവേലിയെഴുന്നെള്ളും തിരുവോണം
എന്നും മലയാളക്കരയുടെ തിരുവുൽസവം
 
പുലരി തൻ നെറുകയിൽ വർണ്ണവസന്തമായ്
പൂക്കളമിട്ടൊരു പൂമാനവും....
തുമ്പപ്പൂവും, തുളസിക്കതിരും,
തോണിപ്പാട്ടിന്റെ മാധുര്യവും
പ്രകൃതിയും ഹൃദയവും തമ്മിലലിഞ്ഞീടും
മാമലനാടിൻ വർണ്ണോത്സവം
എന്നും മണ്ണിന്റെ മണമൂറും ഹരിതോത്സവം
 
വിണ്ണിന്റെ ആമോദ ഘോഷത്തിൽ കൂടുവാൻ
തുമ്പികൾ അണയുന്ന പൂമുറ്റവും....
പൂവുകളും പൂഞ്ചോലകളും
പുളകിതരാകും പൗർണമിയും
സമൃദ്ധിയും നന്മയും ഒന്നായ് നിറഞ്ഞീടും
മലയാള തനിമതൻ മഹിതോൽസവം
എന്നും മാവേലിയെഴുന്നള്ളും പുണ്യോൽസവം