ചെമ്പാവിൻ പാടത്തോ

Song: 

Chembavin-128-OnamwitheeNam2013.mp3

ചെമ്പാവിൻ പാടത്തോ ചെമ്പോത്തിൻ ചുണ്ടത്തോ
പൂവിളി, ചിങ്ങപ്പൂവിളി....
പേരാറ്റിൻ കടവത്തോ പെണ്ണേ നിൻ കവിളത്തോ
പൂക്കണി, ഓണപ്പൂക്കണി....
നാടുകാണിച്ചുരം കേറി നാടുവാഴിത്തമ്പുരാനീ
നാടായ നാടുകാണാൻ വരുന്ന നേരം, പൊന്നേ, 
നാലാളറിഞ്ഞു നിന്നേ കൊണ്ടുപോരും
ഓഹൊയ് ഓഹൊയ് ഓഹൊയ് ഓഹൊയ്..

പാടവരമ്പിലൂടാ പാദസരം കിലുക്കി
പാവാടത്തുമ്പുലച്ചു നീ വരുമ്പോൾ,
ആരും കാണാതെയന്നാ നേരം പകർന്ന സുഖം
ഇന്നുമീ മാറിൽ തുടിച്ചു നിൽ‌പ്പൂ, നിന്റെ
കവിളത്തെ സിന്ദൂരച്ചെപ്പെന്റെ ചുംബനത്താൽ
നിറച്ചൊരാ സന്ധ്യയുള്ളിൽ വിളക്കുവയ്ക്കേ
നല്ലോണക്കിളിയായ് മുന്നിൽ അന്നു വിരുന്നിനു വന്നൂ നീ
അക്കരെയിക്കരെനിന്നിടനെഞ്ചിലൊരൊത്തിരിമോഹവുമായൊരുവഞ്ചിയി
ലൊത്തൊരുമിച്ചുകളിച്ചുനടന്നതുമാരാനും കണ്ടോടീ..
ആരാനും കണ്ടോടീ...ആരാനും കണ്ടോടീ.....

നേരം........................................., ആ
നേരം...മങ്ങിയനേരത്താരോവന്നുവിളിച്ചതുകേട്ടിട-
നെഞ്ചിൽകുളിരോളംതിരതല്ലും നേരം
നാണം........................................, ഒരു
നാണം...വെള്ളിനിലാവലനെയ്തുകവിൾത്തട-
മാകെപ്പൂക്കളമായ് നിൻ വിരൽ വണ്ടുകളായ്, എന്റെ
കരളിന്റെ കലവറയ്ക്കുള്ളിൽ നൂറു കറിയൊരുക്കി
ഉത്രാടസദ്യ ഞാനന്നൊരുക്കിയില്ലേ
പപ്പടമവിയലുകാത്തോരൻ പച്ചടികിച്ചടിയെരിശ്ശേരി
അങ്ങനെയിങ്ങനെനിന്നുവിളമ്പിയനേരമതെൻ‌വിരൽമെല്ലെമുകർന്നു
തലോടിരസിച്ചൊരുകാഴ്ചകളന്നവി,ടെല്ലാരും കണ്ടില്ലേ....
എല്ലാരും കണ്ടില്ലേ....എല്ലാരും കണ്ടില്ലേ....