ആരാണ്ടാ ആരാണ്ടാ

Song: 

Aaraanda-128-OnamwitheeNam2013.mp3

വായ്ത്താരി :
ആരാണ്ടാ ആരാണ്ടാ അങ്ങേക്കൊമ്പത്ത്....
ആന വിരണ്ടു നടക്കണ കണ്ടോ അമ്പലമുറ്റത്ത്....
അയ്യോ ഓടിക്കോ.... അയ്യോ.. അയ്യോ... അയ്യോ..അയ്യോ..അയ്യോ..!!!!

ആരാണ്ടാ ആരാണ്ടാ അങ്ങേക്കൊമ്പത്ത്
ആന വിരണ്ടു നടക്കണ കണ്ടോ അമ്പലമുറ്റത്ത്
ഞാറു പറിക്കണ പെണ്ണിനു ചന്തം പാടവരമ്പത്ത്
ഞാനിരിക്കണ കണ്ടില്ലെ നീയിങ്ങേകൊമ്പത്ത്

കാറ്റുണ്ടെ കോളുണ്ടേ മേലെമാനത്ത്
കാക്ക നിന്ന് കുളിക്കണ കണ്ടോ മുണ്ടോൻ പാടത്ത്
താരിത്തക്കിളി പാടണ കുട്ടികളാലിൻ കൊമ്പത്ത്
തേടിചുറ്റിയ വള്ളി കിടച്ചത് കള്ളിപുലയിക്ക്

അങ്കം കണ്ടതും താളിയൊടിച്ചതുമാർച്ച പറഞ്ഞിട്ട്
അച്ചിവീട്ടിലെ നായരു വന്നാലക്കരെ മുറ്റത്ത്
ഒന്നു പിഴച്ചതും പിന്നേം പിഴച്ചതുമാശാന്റെ നെഞ്ചത്ത്
ഒറ്റച്ചക്കേം വീണു പഴുത്തു മുയലിന്റെ ചങ്കത്ത്

ഇഞ്ചി തിന്ന കുരങ്ങു പിടിച്ചതൊരാപ്പിൻ തുമ്പത്ത്
ഇല്ലം വിട്ടൊരു കൊല്ലൻ ചെന്നത് കൊച്ചിക്കടപ്പുറത്ത്
പുത്തനച്ചിക്ക് ചൂലു കൊടുത്തത് തെക്കേപുരപ്പുറത്ത്
പുത്തരിയിലു കല്ലുകടിച്ചതു പത്തായപ്പുറത്ത്