Chinganilavala | ചിങ്ങനിലാവല

Song: 

01_Chinganillaavala.mp3

ചിങ്ങനിലാവല പൊങ്ങി, മണ്ണിൽ
കിങ്ങിണിപ്പൂവുകൾ മങ്ങി
മാവേലിനാട്ടിലെ മാടത്തപ്പെണ്ണിനും
മൈനയ്ക്കും കുമ്പിളിൽ കഞ്ഞി, ഇന്നും
മാവേലി നാട്ടിലെ മാടത്തപ്പെണ്ണിനും
മൈനയ്ക്കും കുമ്പിളിൽ കഞ്ഞി
[ഓർമ്മയാകുമോണം ഈണങ്ങളായ് വീണ്ടും
ഓടിയെത്തും നാവിലിതാ ഞങ്ങൾ പാടും ഗീതം]

കാടു നാടായി മാറി തൊടിയും കു-
ളവും നികന്നു പോയീ
പാടത്തു വീടുപൊങ്ങീ മുക്കുറ്റിയും
തെറ്റിയുമോർമ്മയായി
മാടത്തൊരു തിരി കാണാതെയാ-
മന്നൻ മടങ്ങീടുമ്പോൾ
മാനവരൊന്നുപോലെ മധുപാത്ര-
പ്പൂക്കളം തീർത്തിടുന്നു
[ഓർമ്മയാകുമോണം വേദനയായിന്നും
ഓടിയെത്തും നാളിലിതാ ഞങ്ങൾ പാടും ഗീതം]

തുമ്പപ്പൂക്കൂനയില്ലാ തുമ്പിതുള്ളൽ
ചന്തവും ചേലുമില്ല
വമ്പൊത്ത സദ്യയില്ല, പുലികളി-
ച്ചോടില്ലാ താളമില്ല
ഓർമ്മകളായീടുന്നൂ ഓണവില്ലിൻ
താളവും പൂവിളിയും
അമ്മതൻ പൂമടിയിൽ കഥയിതു
കേട്ടുറങ്ങുന്നു കുഞ്ഞും
[ഒർമ്മയാകുമോണം പൂത്തുലയും കാലം
ഓടിയെത്തും നാട്ടിലിതാ ഞങ്ങൾ പാടും ഗീതം]

-----------------------------------------------------------

Chinganilaavala pongi, mannil
kinginippoovukal mangi
maavelinaattile maadatthappenninum
mainakkum kumpilil kanji, innum
maavelinaattile maadatthappenninum
mainakkum kumpilil kanji...
[Ormmayaakumonam eenangalaay veendum
odiyethum naavilithaa njangal paadum geetham]

Kaadu naadaayi maari, thodiyum
kulavum nikannu poyi
paadathu veedu pongi, mukkoottiyum
thettiyumormmayaayi
maadatthoru thiri kaanaatheyaa-
mannan madangidumpol
maanavaronnupole madhupaathra-
ppookkalam theertthidunnu....
[Ormmayaakumonam vedanayaayinnum
odiyethum naalilithaa njangal paadum geetham]

Thumpappookkoonayilla thumpithullal
chanthavum chelumilla
vampotha sadyayilla, pulikali-
cchodilla thaalamilla
ormmakalaayidunnu onavillin
thaalavum pooviliyum
ammathan poomadiyil kathayithu
ketturangunnu kunjum
[Ormmayaakumonam pootthulayum kaalam
odiyethum naattilithaa njangal paadum geetham]