കുടമുല്ലപ്പൂവേ

Song: 

Kudamullappove-128-OnamwitheeNam2013.mp3

കുടമുല്ലപ്പൂവേ നിന്നെ കാണാനെന്തു രസം
അഴകേറും കണ്ണിൽ നോക്കിയിരിക്കാനെന്തു സുഖം
ആരാരും കാണാതെ ആരോരുമറിയാതെ
അരാരും കേൾക്കാതെ ഒരു മൂളിപ്പാട്ടോടെ
വണ്ടായ് വന്നാചുണ്ടിൽ നല്കാം ഒരുസമ്മാനം

കുടമുല്ലപ്പൂവേ നിന്നെ കാണാനെന്തു രസം
അഴകേറും കണ്ണിൽ നോക്കിയിരിക്കാനെന്തു സുഖം

പാടുകയായ് പ്രേമ ഗാനങ്ങൾ പൈങ്കിളി
പതിവായി നെഞ്ചിലെ തളിരാർന്ന ചില്ലയിൽ
കളമെഴുതുകയായ്പൊൻ ശലഭങ്ങളെന്നുമീ
കരളിന്റെയുള്ളിലെ കതിരാർന്ന വാടിയിൽ
നിൻ മുകിൽ തേടുന്ന വേഴാമ്പലാണു ഞാൻ
നീ ശ്രുതി മീട്ടുന്ന മൺവീണയാണു ഞാൻ
കാണുകില്ലേ കൂടെ നീ കാതരയാം പൈങ്കിളീ (2)
പിരിയില്ല നാം തമ്മിൽ ഒരുനാളു,മായിരം
കനവുകണ്ട് കുളിരുകൊണ്ട് കൂടിയതല്ലേ

കുടമുല്ലപ്പൂവേ നിന്നെ കാണാനെന്തു രസം
അഴകേറും കണ്ണിൽ നോക്കിയിരിക്കാനെന്തു സുഖം

കാണുകയാണെന്നും സ്വപ്നങ്ങളായിരം
നാമൊന്നുചേരുമാ നാളിന്റെയോർമ്മയിൽ
തീർക്കുകയാണിന്നേ ചാർത്താൻ നിനക്കു ഞാൻ
മഴവില്ലുമാലയും മലർമൊട്ടുതാലിയും
കാത്തിരിക്കാമെന്നും കാതോർത്തു നിൻ വിളി
ഞാൻ വരുമെങ്ങായിരുന്നാലുമാ വഴി
എന്റെയുൾത്തുടിപ്പു നീ എന്റെ സ്വന്തമാണു നീ (2)
വിരിയും വസന്തമായ് മുകുളങ്ങൾ നമ്മിലെ
പ്രണയമാർന്നു പുളകമാർന്ന ചില്ലയിലെന്നും

കുടമുല്ലപ്പൂവേ നിന്നെ കാണാനെന്തു രസം
അഴകേറും കണ്ണിൽ നോക്കിയിരിക്കാനെന്തു സുഖം
ആരാരും കാണാതെ ആരോരുമറിയാതെ
അരാരും കേൾക്കാതെ ഒരു മൂളിപ്പാട്ടോടെ
വണ്ടായ് വന്നാചുണ്ടിൽ നല്കാം ഒരുസമ്മാനം

കുടമുല്ലപ്പൂവേ നിന്നെ കാണാനെന്തു രസം
അഴകേറും കണ്ണിൽ നോക്കിയിരിക്കാനെന്തു സുഖം