പ്രിയമാനസേ

Song: 

Priyamanase-OnamwitheeNam2012.mp3

പ്രിയ മാനസേ… എൻ പ്രാണനിലെഴുതൂ നീ
പ്രണയാർദ്ര ഭാവ ഗീതകങ്ങൾ
പ്രാണനിൽ പ്രാണനായ് കാത്തുവയ്ക്കാമെന്റെ
പ്രാണേശ്വരീ നിന്റെ ഗീതകങ്ങൾ
പ്രേമ ഗീതങ്ങൾ

എന്റെ വൃന്ദാവന വാടിയിൽ നീയൊരു
ചെമ്പനിനീർപ്പൂവായ് വിടർന്നു
നിന്റെ സുഗന്ധിയാം വർണ്ണദളങ്ങളും
നിന്നിൽ നിറയും മധുവും സഖീ
എനിക്കായ് മാത്രമല്ലേ എനിക്കായല്ലേ
നിൻ പരാഗങ്ങൾ പൊൻ പരാഗങ്ങൾ

ചന്ദ്രിക തൂകുമീ തിരുവോണ രാവിതിൽ
ചന്ദനക്കുളിരായ് നീ പടർന്നു
ചന്തം തികഞ്ഞൊരു വധുവായിന്നെൻ
ചിന്തകളിൽ നീ നിറയുന്നു
നിനക്കായ് മാത്രമല്ലേ നിനക്കായല്ലേ
എൻ കിനാവുകൾ പൊൻ കിനാവുകൾ