ശ്രാവണ സംഗീതമേ…

Song: 

It look's like you don't have Adobe Flash Player installed. Get it now.

ആമുഖം : ജി നിശീകാന്ത്

ശ്രാവണ സംഗീതമേ…
ശ്രാവണ സംഗീതമേ…
മലയാളമണ്ണിന്റെ ഗന്ധവുമായ് വന്ന
സപ്തസ്വരരാഗ പ്രതിഭാസമേ
ആവണിപ്പുലർവെട്ടം തെളിയുമ്പോളെന്നും
ഉണർത്തുന്ന ഗന്ധർവ്വനെവിടെ, നിന്നെ
ഉയർത്തിയ ഗന്ധർവ്വനെവിടെ?
എവിടേ………
ശ്രാവണസംഗീതമേ….
സംഗീതമേ……. ഏ….. ഏ……

 

തമ്പിതൻ ശൃംഗാര തമ്പുരുവിൻ
തന്ത്രികൾ ശ്രുതിചേർന്നു പാടുമ്പോൾ
എന്നും ചിരിക്കുന്ന സൂര്യന്റെ ചെങ്കതിർ
ഇന്നെത്രധന്യമാകുന്നൂ
ഉത്രാ……ടപ്പൂനിലാവുണരുന്നൂ

 

ഒറ്റപ്പിലാവിലെ കൊമ്പിൽ, കാവ്യ-
കന്യക ചില്ലാട്ടം ആടുമ്പോൾ
ആ മന്ദഹാസത്തിൽ പദ്മദളങ്ങൾ
പരാഗമുതിരുകയായി, ഭാഷതൻ
വല്ലം നിറയുകയായി

 

തിരുമലതൻ കരം തഴുകിയുണർത്തിയോ-
രരയന്നമേ, ആരോമലേ…
നിഴലായ്,  പോകുന്ന വഴി പിൻതുടർന്നെത്തും
നിൻ ഗാന ചാരുതയെന്നും, ആ
നിരവദ്യഭാവനയെന്നും

 

അലഞൊറിയും കായൽ തീരം
അവിടുണരുമേതോഗാനം
മൂളും മാടപ്രാവെൻ നെഞ്ചിൽ കൂടുകൂട്ടുമ്പോൾ
പൊന്നോണ വെയിലേറ്റീടാൻ, പൂത്തുമ്പി തുള്ളൽ കൂടാൻ
അതിലായ് അലിയാൻ അലയായ് അലയാൻ
സലിൽ നെയ്ത സംഗീതം

 

രവീന്ദ്രസംഗീത സ്വരമാധുരി……  ആ….. ആ….. ആ…
രവീന്ദ്രസംഗീത സ്വരമാധുരി…
ഹൃദയാന്തരങ്ങളിൽ ഹംസധ്വനി….
നിത്യവസന്തമാമീണങ്ങളായ്, സപ്ത-
സ്വരമാ വീണയിൽ നൃത്തമാടീ
രാഗങ്ങളായ്…… മോഹങ്ങളായ്

 

പറനിറയെ…. ആ… ആ…. തൂകും പൌർണ്ണമിയിൽ
പറനിറയെത്തൂകും പൌർണ്ണമിയിൽ
പാഴിരുൾ തറവാടിൻ മുന്നിൽ
ആരോ കമഴ്തിവച്ചൊരോട്ടുരുളിപോലെ
ആവണിത്തിങ്കളുദിക്കേ
നിറകണ്ണുമായി ഞാൻ കാത്തു നിൽപ്പൂ , നീ
പറയാതെ പോയതിൻ പരിഭവത്തിൽ, തമ്മിൽ
കാണാതെ പോയതിൻ നൊമ്പരത്തിൽ
തമ്മിൽ കാണാതെ പോയതിൻ നൊമ്പരത്തിൽ

 

  സ്മൃതിതൻ സ്വർണ്ണമന്ദാരമലരുകൾ
വിരിയും വർണ്ണ സ്വപ്നങ്ങൾ ചൊരിയുമൊ-
രിരവിൽ നൃത്തമാടുന്നു മനസിലെ
മായാവാർമയൂരങ്ങളനുപദ
മളിനിരശ്രുതിയിടുമനുപമവനികയി-
ലൊരുചെറുകുളിരലതഴുകിടുമസുലഭ
സുഖകരലഹരിയിലിവിടിനിയെഴുതുക-   
യാണുഞാൻ, പാടിടാം, അമൃതസുകൃത
വേദിയിൽ, നീ വരൂ, ശാരികേ…… വധുവായ്…

 

Comments

മനസ്സ് നിറഞ്ഞു നിശീകാന്ത്

മനസ്സ് നിറഞ്ഞു നിശീകാന്ത് ...
മനോഹരമായ വരികളും ആലാപനവും സംഗീതവും
ദൈവാനുഗ്രഹം എപ്പോഴും കൂടെയുണ്ടാവട്ടെ...
അനുഗ്രഹവും ആശംസകളും.സ്നേഹപൂര്‍വ്വം

പാട്ട് അത്യുഗ്രന്‍...എല്ലാ

പാട്ട് അത്യുഗ്രന്‍...എല്ലാ മഹാരാഥന്മാരെയും തൊട്ടു വന്ദിച്ചു അല്ലെ..കലക്കീ മറിച്ചു കേട്ടോ. BRILLIANT, REALLY GREAT..HATS OFF....beautiful combination...great work...

മനസ്സ് നിറഞ്ഞു നിശീകാന്ത്

മനസ്സ് നിറഞ്ഞു നിശീകാന്ത് ...
മനോഹരമായ വരികളും ആലാപനവും സംഗീതവും
ദൈവാനുഗ്രഹം എപ്പോഴും കൂടെയുണ്ടാവട്ടെ...
അനുഗ്രഹവും ആശംസകളും.സ്നേഹപൂര്‍വ്വം

Gambeeramall, Athigambeeram

Wow........ enthu parayanamennariyilla.......
Gambeeramalla, Athigambeeram....
Congrats all Eenam Team
Keep it up!

ഗംഭീരം

ഇത്രയും ഗംഭീരമായ ഒരു ഗാനം അടുത്തകാലത്തൊന്നും കേട്ടിട്ടില്ല.

ലെജൻഡുകളുടെ ആത്മാവിനെ ആവാഹിച്ച സൃഷ്ടി !

ഒരു രക്ഷയുമില്ലാത്ത സൃഷ്ടിതന്നെ അണ്ണന്മാരേ.. കൊടുകൈ... !

ഈണങ്ങളുടെ സെലക്ഷൻ അപാരം...വരികളും ഓർക്കസ്റ്റ്രേഷനും അപാരമായ ഒരു സുരതാവേഗത്തിലിഴുകുന്നതിന്റെ സുഖം ഇതാണ് ! എം.ജിയുടെ കദനകുതൂഹലവും രവീന്ദ്രന്റെ സിന്ദുഭൈരവിയും പുത്തഞ്ചേരിയുടെ പാഴിരുൾത്തറവാടും... ഓരോ സംഗീതസംവിധായകന്റെയും ഓരോ കവിയുടെയും ആത്മാവു കാണാം പീസുകളിലെല്ലാം... വരികളിലും..സംഗീതത്തിലുമതേ ! പാട്ടുകാരനും സൂപ്പറാക്കി

Hats off to all of to you guys !

സന്തോഷം

വളരെ അപൂർവ്വമായ രചനയും സംഗീതവും.പാടിയ രജേഷ് രാമന് അഭിനന്ദനങ്ങൾ.

shrdAvaNa sangeetham

kalakki ! a wonderful Ragamalika, rendered very beautifully. vaLare albhuthamAyoru anubhavamaayirunnu! abhinandhanangaL ! - K.Balaji

Abhinandanangal

Lyrics : WONDERFUL
Music : GREAT
Singing : SUPER

Special Attraction : Links of GREAT Musicians in Lyrics

Bests of Best Wishes
Oru Eliya Aaraadhakan
THANKACHEN THEOPPIL
Duabi
+ 971 50 7163192

സ്നേഹപൂര്‍വ്വം ഈണത്തിന്

ഈണത്തിന്
മലയാളക്കരയുടെ അനുഗ്രഹം എക്കാലവും ഉണ്ടാവും .........
ഈനല്ലകാര്യം ചെയ്യുന്നതിലൂടെ ഈണം ഒരു ചരിത്രം കുറിച്ചു.....
എല്ലാവര്‍ക്കും ഓണാശംസകള്‍ നേരുന്നു........
സ്നേഹപൂര്‍വ്വം സന്തോഷ്‌ നാരായണന്‍ 0097466904894

എന്ത് പറയണം എന്നറിയില്ല . അതി

എന്ത് പറയണം എന്നറിയില്ല . അതി മനോഹരം. രചനയും സംഗീതവും പാടിയതും അത് പോലെ orchestration എല്ലാം ഒന്നിനൊന്നു മെച്ചപ്പെട്ടവയാണ് . എന്‍റെ ഹൃദയം നിറഞ്ഞ അഭിനന്ദനം .
രാജേഷ്‌ വളരെ ഹൃദയ സ്പര്‍ശിയായി പാടി.

എന്‍. രാജ്
യു. എസ്.

Congrats

ഒക്കെ ദൈവാനുഗ്രഹം തന്നെ ! ഇതുവരെ ഇങ്ങിനെയൊരു മധുര സംഗീതം ഞാന്‍ കേട്ടിട്ടില്ലന്നു പറഞ്ഞാല്‍ അത് സത്യമാണെ ! The transition from one Raga to the other is so smooth and a melodious journey ! ഞാന്‍ ഇനി എന്തു പറയട്ടെ ? എല്ലാ നന്മകളും നേരുന്നു ! അവസാനം രേവതി രാഗത്തിലെ ആ സ്വരങ്ങള്‍ പടിയല്ലോ ! സുഖാനുഭുതി തന്നെ ! ഹൃദ്യമായ ആശംസകള്‍ !