ഒന്നാം മലയുടെ

സ്നേഹം നിറഞ്ഞ വിലയിരുത്തലുകള്‍ക്ക്‌, അഭിനന്ദനങ്ങള്‍ക്ക്‌, കുറച്ചുകൂടി മോടിയാകാമായിരുന്നു എന്ന മൃദുവിമര്‍ശനങ്ങള്‍ക്ക്‌ നന്ദി.

ഈയൊരു പ്രോജക്‍റ്റില്‍ പങ്കെടുക്കാനായത്‌ ഭാഗ്യമെന്നുതന്നെ കരുതുന്നു.

ഏതുനാട്ടില്‍ ജീവിയ്ക്കുന്നവരായാലും, ഈ വസന്തോല്‍സവകാലം മലയാളിയ്ക്ക്‌ സ്വന്തം വേരിലേയ്ക്കുള്ളൊരു തിരിച്ചുവിളി തന്നെയാണ്‌. ഓണപ്പൊലിമയുള്ള ഗാനങ്ങള്‍, കേള്‍ക്കുന്ന ഓരോ മനസ്സിലും ആ പൂവിളിയുടെ അലകളെത്തിയ്ക്കട്ടെ...
എല്ലാര്‍ക്കും സന്തോഷമുള്ള ഓണം ആശംസിയ്ക്കുന്നു
സസ്നേഹം,
ചാന്ദ്‌നി.

കവിതകളെഴുതുന്ന ചാന്ദ്നി ഗാനങ്ങളെഴുതുമ്പോൾ, ആ കൈയ്യൊതുക്കം ഗാനങ്ങളിലും കാണാൻ കഴിയുന്നു. എല്ലാവരും പറഞ്ഞിട്ടും ബാക്കിനിൽക്കുന്ന ചിലയിടങ്ങളിലേയ്ക്കു പേനയുമായി കടന്നു ചെല്ലുന്നു. ഏറ്റവും ഇഷ്ടപ്പെട്ടത് ഈ വരികളാണ്:
"ഉത്രാടരാവിന്റെ പ്രേമത്തിൻ പൂനിലാ-
വിത്തിരിപ്പൂക്കളെത്തൊട്ടു നിന്നൂ"
ഈണവും ആലാപനവും നന്നായി ഇഷ്ടപ്പെട്ടു. ഒരു നല്ല യുഗ്മഗാനം.

സരസ്വതീ കടാക്ഷം രാഗത്തിൽ മാത്രമല്ല, ഗാനരചനയിലുമുണ്ട് :)

ഓണം അടിസ്ഥാനപരമായി ഒരു അറ്റ്മോസ്‌ഫിയർ ആണെന്നുള്ള എം ടി വാസുദേവൻ നായർ നിരീക്ഷണമോർമ്മിപ്പിച്ച രചന. ഓണച്ചിന്തിലും വള്ളപ്പാട്ടിലും തിത്തിത്താരയിലും അല്ല, " ഇത്തിരിപ്പൂക്കളെത്തൊട്ടു നിൽക്കുന്ന ഉത്രാടരാവിന്റെ പ്രേമത്തിലൊ"ക്കെയാണ് ചാന്ദ്നി ഗാനന്റെ കണ്ണ്. ഓണത്തിന്റെ ഉള്ളടരുകളെ തൊടുന്ന ഇമേജറികളിലാണ് ആദ്യമുടക്കി നിന്നത്.

ആദ്യത്തെ സ്വരങ്ങളില്ലെങ്കിലും പാട്ടിനു വലിയ പ്രശ്നമൊന്നും തോന്നുന്നില്ല. രണ്ടുപേരുടേയും ആലാപനം നന്നായിട്ടുണ്ട്.