ഒരു നല്ല പൂ പാട്ടുമായി

ഗംഭീരം!! ഗംഭീരം!!

യുവത്വത്തിന്റെ പ്രസരിപ്പും, ഓണത്തിന്റെ ഉത്സവച്ഛായയും, സന്തോഷവും, ആവേശവും എല്ലാമാവാഹിച്ചുകൊണ്ട് ഈ ഓണവള്ളം ഗാനരൂപത്തിൽ അഞ്ചരമിനിറ്റുകൊണ്ട് സംഗീതാസ്വാദകന്റെ ഹൃദയത്തിലേക്കാണു തുഴഞ്ഞ് കയറുന്നത് ! ഗാനത്തിലുടനീളം കാണുന്ന ആ പോസറ്റീവ് എനർജ്ജി കേൾവിക്കാരനിൽ ഓണത്തിന്റെ യഥാർത്ഥ സ്പിരിറ്റ് അനുഭവവേദ്യമാക്കാൻ ഉതകുന്നതാണു. ഓണത്തിനു മാവേലി നാട് സന്ദർശിക്കാൻ വരുമെന്നാണല്ലോ സങ്കല്‍പ്പം, എന്നാൽ ഓണമൊക്കെ കഴിഞ്ഞ് മാസങ്ങൾ കഴിഞ്ഞ ശേഷമായാലും ഈ ഗാനം പ്ലേ ചെയ്ത് മാവേലിയെ നാട്ടിലേക്ക് ഓടിയെത്തിക്കാനുതകുന്ന തരം പവർപേക്ക്ഡ് ഐറ്റം ആണ് ഇത് എന്ന് പറഞ്ഞാൽ അതിൽ ഒട്ടും അതിശയോക്തി ഉണ്ടാവില്ല. :) തകർപ്പൻ സോങ്ങ്...!

തെറ്റുകുറ്റങ്ങൾ കാര്യമായി ഒന്നും പറയാനില്ല. ഉണ്ണിയുടെ ശബ്ദവും ഗാനാലാപനവും പതിവുപോലെ ലളിതവും മധുരതരവും. എങ്കിലും, “പൂഞ്ചോലകൾ മൊഴിയുന്നു...” എന്ന വരിയിൽ ഫീൽ ചെയ്യുന്ന ആ ചെറിയ സ്ട്രൈയ്ൻ ഫീൽ ഒഴിവാക്കാമായിരുന്നു എന്ന് തോന്നി. കാരണം, സമാനമായി അനുപല്ലവിയിലും ചരണത്തിലും ഉണ്ടായിരുന്ന “പൂങ്കുയിലുകൾ പാടുന്നു..”, “പൂമ്പാറ്റകൾ മൂളുന്നു..” തുടങ്ങിയ ഭാഗങ്ങൾ ഭംഗിയായി പാടിയിട്ടും ഉണ്ട്.

“പത്തുദിക്കും തങ്കലാക്കി..” എന്നുള്ളത് “പത്തുദിക്കും തൊങ്കലാക്കി/പൊങ്കലാക്കി..” എന്നോമറ്റോ ആണു എല്ല്ലായിടത്തും പാടിയിട്ടുള്ളത് / കേൾക്കുന്നത്. ഇത് അശ്രദ്ധയോ, ഏതാണു ശരി എന്നറിയാത്ത കൺഫ്യൂഷനോ കൊണ്ടായിരിക്കാം എന്ന് കരുതുകയാണു. അതും ശ്രദ്ധിക്കണമായിരുന്നു. വേറെ പ്രത്യേകിച്ച് ഒന്നും നെഗറ്റീവ് ആയി പറയാനില്ല.

ഇനി അല്പം പേഴ്സണൽ അനുഭവങ്ങൾ പറയട്ടെ. ഇത്തവണത്തെ എന്റെ തിരുവോണ ദിനം രാവിലെ മുതൽ ഉച്ചക്ക് സദ്യ ഉണ്ണുന്ന സമയം വരെ ഈ അൽബം സോങ്ങ്സ് (10 എണ്ണം) ബേക്ക്ഗ്ഗ്രൗണ്ടിൽ പ്ലേ ചെയ്യുന്നുണ്ടായിരുന്നു. പത്തോളം ഗസ്റ്റും ഇത്തവണ ഷാർജ്ജയിലെ ഫ്ലാറ്റിൽ ഓണദിനം ഉണ്ടായിരുന്നു. എല്ല്ലാവരും എല്ലാ സോങ്ങും കേട്ടു, പലർക്കും പല സോങ്ങ്സും അവരുടെ ഫേവ്രേറ്റ് ലിസ്റ്റിൽ ഇടം പിടിച്ചു. എന്നാൽ എല്ലാവർക്കും കോമൺ ആയി ഇഷ്ടപ്പെട്ട ഗാനങ്ങളിൽ മുൻപന്തിയിൽ നിൽക്കുന്ന ഗാനങ്ങളിലൊന്ന് ഇതായിരുന്നു. പ്രത്യേകിച്ച് എന്റെ സമപ്രായക്കാരായ ചെറുപ്പക്കാരുടെ ഇഷ്ടങ്ങളിൽ. ഞങ്ങൾ കുറേ പേർ ഡാൻസൊക്കെയായിരുന്നു “തകതകതക തൈതാരോ തകതക തക തൈതാരോ... തക തക തക തൈതാരോ തൈതാരോ...” ഈ ഭാഗങ്ങളിൽ. എല്ലാവർക്കും പരാതി എന്താന്ന് വച്ചാൽ, "തകതക തക തൈതാരോ..” യുടെ [ 0:48 to 1:07 ] ഈ ഭാഗം വേഗം തീർന്നുപോയി എന്നതാണു. :) ഒരു 2-3 തവണ അത് നീട്ടിക്കിട്ടിയിരുന്നെങ്കിൽ അല്പം കൂടി ഡാൻസ് ചെയ്യാമായിരുന്നു. പിന്നെ ഗാനം തീരുന്ന [5:00 to 5:30 ] ഉം ഒരു ഗംഭീര ക്ലൈമാക്സ് ഈ സോങ്ങിനു സമ്മാനിച്ചു.

ഏതായാലും ഓണസദ്യയൊക്കെ ഉണ്ട് വിശ്രമിക്കുമ്പോഴാണു സർപ്രൈസ് ആയി ഈ ഗാനത്തിലെ വരികളെഴുതിയ രാഹുൽ സോമൻ “ഓണാശംസകൾ“ അറിയിക്കാനായി വിളിച്ചത്. ആദ്യമായാണു രാഹുലിനോട് സംസാരിക്കുന്നത്. ഈ ഗാനത്തെക്കുറിച്ച് മറ്റുള്ളവരുടെ അഭിപ്രായം ഞാൻ ലിറിസിസ്റ്റുമായി ഷേർചെയ്യുന്നതിനിടെ ഭാര്യയുടെ വക ഒരു കമന്റ് “ഇപ്പോൾ ഇത് എന്റെ അപ്രിയഗാനങ്ങളിൽ ഒന്നാമത്തെത് ആയിട്ടുണ്ട്..” ഞാൻ ചോദിച്ചു “അതെന്താ?”. മറുപടി ഞാൻ ലിറിസിസ്റ്റിനോട് പറഞ്ഞോളാം ഫോൺ ഇങ്ങ് തരൂ..! അവൾ പറഞ്ഞ പരാതിയിലെ മെയിൻ പോയിന്റ് “ഈ പാട്ടും ഇട്ട് ഇത്രനേരവും ഇവന്മാർ ഡാൻസായിരുന്നു.... ഏട്ടന്റെ ഡാൻസ് 6 മാസം പ്രായമുള്ള കൊച്ചിനെയും കൈയ്യിൽ പിടിച്ചോണ്ടാണു... മോള് അപ്പോ ചിരിക്കുന്നൊക്കെ ഉണ്ടേലും ഇവന്മാരുടെ ഓണത്തിന്റെ ആവേശത്തിൽ അതിനു വല്ലതും പറ്റുമോ എന്നായിരുന്നു എന്റെ പേടി...!”. അങ്ങിനെ പേടിപ്പിക്കാൻ ഈ ഗാനം കാരണമായതാണത്രേ അവൾക്ക് ഈ ഗാനം അപ്രിയമാകാൻ കാ‍രണം... :) വേറെ പ്രത്യേകിച്ച് റീസൺ ഒന്നും നഹി നഹി :) എന്തായാലും ഈണം 2011 ലെ എല്ലാ സോങ്ങും ആസ്വദിച്ചു.. ഈ ഗാനം സ്പെഷ്യൽ ഇഷ്ടങ്ങളുടെ പട്ടികയിൽ ഇടവും പിടിച്ചു....

ഇതിന്റെ പിന്നണിയിൽ പ്രവർത്തിച്ച ഏവർക്കും അഭിനന്ദനങ്ങൾ... ; എന്നെങ്കിലും ഒരിക്കൽ ഈ സോങ്ങ് അതിമനോഹരമായി വിഷ്വലൈസ് ചെയ്ത് ചാനലുകളിൽ കാണാനിടയാകട്ടെ എന്ന പ്രാർത്ഥനകളോടെ...

~Abhilash